22.6.05

Samanhengen

Etter jobb i går gjekk eg på biblioteket. På vegen til biblioteket traff eg ei kvinne som trilla på ei vogn der det sat ein liten unge som heitte Sivert. Eg innrømmer at eg ikkje hugsar kva kvinna heitte, sjølv om eg har snakka med henne fleire gongar. Eg er dårleg på sånt. Men Sivert handhelste på min peikefinger, med si vesle hand, og ville ikkje sleppe. Så eg gjekk mot biblioteket med hans fingrar rundt min. På biblioteket fekk eg tilbake passet mitt, som eg for ein månad sidan hadde gløymt igjen, liggande mellom to sider i den norske Statskalenderen for 2005, då eg skulle gjere typografisk og grafisk research for produksjonen av fusapasset. Det dumme er at eg i mellomtida var nøydd til å skaffe meg nytt pass. Så no har eg to. På biblioteket lånte eg sju eller åtte bøker av Rolf Sagen (som eg skal intervjue på mandag). Etterpå gjekk eg ein tur på Clas Ohlson, og då traff eg den same kvinna ein gong til, denne gongen utan unge, ståande i køen for kundeservice. Ho sa at ho ikkje trengde service, men berre stod der. Eg gjekk for å kjøpe ein liten USB-disk (så eg kan ha ein trygg backup av tekstar og andre data på nøkkelhanken til ei kvar tid), men dei diskane Clas Ohlson hadde var ikkje små nok. Eg vil ha ein slik som Martin har. På veg til Bølgen og Moi såg eg den same kvinna for tredje gong, på avstand, eg helste ikkje. På Bølgen og Moi åt eg burger medan eg byrja å lese Skog av Rolf Sagen. Etter maten gjekk eg på Legal, der eg leste boka nesten ferdig medan eg drakk øl, berre avbrote av ein hyggeleg samtale med Tor Brødreskift. Etter ein øl gjekk Tor for å treffe nokre kameratar ein annan stad. Eg leste ut Skog, og gjekk ein tur på Henrik. Der traff eg Finn Tveito, og vi hadde ein lang samtale om La Poétique de l'espace (Rommets Poetikk) av den lite påakta filosofen Gaston Bachelard. Då såg eg Tor Brødreskift igjen. Eg helste med handa. Han såg meg ikkje. Kva er samanhengen i dette? Eg vil så gjerne finne samanhengen.

6 kommentarer:

mrtn sa...

En god forklaringsmodell, Espen. Ikke desto mindre stikker det dypere enn som så: dersom Sivert har rødt hår, så er den unge kvinnen med stor sikkerhet LENA, en gammel og nær venninne av meg fra videregående. Du traff henne på en fest hos meg. Og i tillegg er det fordi at du kjenner meg du har lyst på en "C-ONE Tiny USB Device", som jeg kan informere om at tingedingsen heter (og at de solgte den på en nå nedlagt datasjappe på Nordnes, og at selskapet muligens, men ikke helt sikkert, heter Pretec). Altså henger hele den første delen av denne opplevelsen sammen med meg og Ragnfrid. Den andre halvdel, derimot, henger nok sammen med noe helt annet. Det er jo nesten som en Paul Auster-roman, dette.

Unknown sa...

Lena, ja, Lena var det!

Og ja, stikkordet er Pretec. Det visste eg. Har sett at dei har det på eit par nettbutikkar.

Anonym sa...

lille trille som er så tabloid og kategorisk vil bare legge til, du spiser jammen mye ute. Hvordan har du råd til slikt?

( Empiri: Synsobservasjoner på zupperia, tekstbevis, Bølgen og Moa. )

lille trille full av skam,
hun tjener mer enn sin hardtarbeidnde, dyktige lærermor.

Anonym sa...

Dersom intervjuet ditt blir like bra som det på biblioteket sine heimesider skulle me ha mykje å sjå fram til.

Unknown sa...

Du tenkjer på dette. Eg har lenka til det før, men det fortente ei ny lenke.

Anonym sa...